منتديات المرجوجه

قمـــــــة الصرقعه
 
الرئيسيةالرئيسية  التسجيلالتسجيل  دخولدخول  
بحـث
 
 

نتائج البحث
 
Rechercher بحث متقدم
ازرار التصفُّح
 البوابة
 الفهرس
 قائمة الاعضاء
 البيانات الشخصية
 س .و .ج
 ابحـث
المواضيع الأخيرة
» ابي الفله ابي الصرقعه
الأحد أغسطس 21, 2011 12:36 pm من طرف بويه مصرقعه

» موقع كامل من الالعاب
الخميس أغسطس 26, 2010 11:28 am من طرف كدوشه

» عـد لـ4 ولبس العضـو التاااج الذهب
الخميس أغسطس 26, 2010 11:13 am من طرف هلاليه لابسه الطاقيه

» ادخل وسو المطلوب بعشـــرة اريل
الثلاثاء أغسطس 10, 2010 12:56 pm من طرف المنسم

» رحبو بي بس بدون ذبايح تكفون
الثلاثاء أغسطس 10, 2010 12:42 pm من طرف المنسم

» ميلك شيك باالتوكيس..روووووعهـ..؟؟
الثلاثاء أغسطس 10, 2010 9:35 am من طرف توته

» لاب توب شفاااااف
الثلاثاء أغسطس 10, 2010 9:11 am من طرف توته

» لبس الـعــيد ..
الثلاثاء أغسطس 10, 2010 9:00 am من طرف توته

» دوآليب مآ أدري وش تبي ^_^
الثلاثاء أغسطس 10, 2010 8:54 am من طرف توته


شاطر | 
 

 بنت عربجيه وبنت ناعمه

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ميار
عضو مميز
عضو مميز
avatar

عدد الرسائل : 157
تاريخ التسجيل : 02/09/2008

مُساهمةموضوع: بنت عربجيه وبنت ناعمه   الأربعاء سبتمبر 10, 2008 4:36 pm

السلااااااااااام عليكم ...
الناعمه..

طبعا وهي نايمه الدبدوبي والغزولي والارنوبي كلهم في حظنها >> يقالها مشاعر فياضه

واذا قامت من النوم ما تقوم الا الساعه1 الظهر لا بعد واللي يصحيها الشغاله<<< تقومها بالانجليزي

بس انا راح اترجمه لكم ....يالله مرام

قوم ماما في قول قوم عاد ((يمديكم على الترجمه )) هي تقول اوكي وتجي امها

وتصحيها مره ثانيه يا مرام حبيبتي اصحي .. ترد مرايم..

ماما والله بدري الساعه 1 الظهر بدرررررررررري<<<< تدلع هي وخشتها..


قامت البنت من السرير وفتحت الستاره والشبابيك ... علشان الغرفه تتنفس ...يااااااااااااااي.. (( اموت بالركه ))

وشغلت موسيقى رومنسيه علشان تروق بنت الحلال وراحت تاخذ حمام محترم وبعد ما تطلع من الحمام وررررررر على

المرايه تحط من هالكريمات والدعافيس على وجهها نيهاهاهاهاهاهاااااااااااااااااااي

تعرفون شباب لازم تحافظ على البشره خلصت من المرايه وتتجه الان الى الاستشوار وش..وش..وش..

لحووووووووووول ساعتين عز الله اللي اندمرت هالشوشه... خلصت منه

دقت البنطلون الجينز والبلوزه ( هي لبست على الموضه بس ماني قايله ) .. ونزلت

تحت تفطر على كاس عصير برتقال ..... ياي مسويه رجيييييييييييييييييم يااااااااااااعمري على السحلية
نجي للعربجيه<< امووووت انا بالعفاشه

تقوم الساعه 8 الصبح وهي ما ودها تقوم .. وجات امها تقومها .. يا سوير قومي يا مال الحمى

لحووووووووووووووووووول زين زييييييييين <<<اهل الحاره يصحون معها

بس لو تشوفون شكلها وهي نايمه.. كراع هنا وكراع هناك .. لا وكل ثلاث

ساعات وهي طايحه من السرير >> شايفتلها تفحيط يخرع

يجي اخوها حميد <<< اسمه محمد بس يدلعونه حميد

ويقومها مره ثانيه ياااااا سوير تقول امي قومي جعلك الموت

ترد سوير..اقول اطلع ولا صكيتك على جبهتك

ويجي مناحي اخوها الكبير ... سوير وجععععععععععع .. ويعطيها ذيك الرفسه اللي خلت عظامها تهلهل >> عاش مشووووت

نيهاهاهاهاهاهاهااااااااااااااااااااااااااااااااااا اي


وبعد تلك الرفسه العنيفه ... فزت فزه ما يعلمها الا الله

وقالها مناحي..قومي صلحي فطور عشر دقايق الا وهو جاهز زينننننن

شوفي ابي قرص وخبز مسح < يعني خبز على الحديده > يعني..<< اقول اخلص
وقامت بعد جهد جهيد وعلى شتم ولعنت الحي والميت حتىىىىىىىى ولدعم جد ابوها ما سلم منها جي

نيهاهاهههاههاااااااااااااااااااااااااي


ونرجع للدلوعه و1111111111و << انكسر ظفرها

هذي ما تتغدا الا الساعه 3 ولا 5

لا ولا تتغدى الا على رز ابيض مسلوق وسلطه <<< تحافظ على الرشاقه راعوها

العربجيه..

تتغدا الساعه 12 بالضبط ولا تغدا الا على كبسه لا خلصت الا كاس اللبن مراعي متولم عندها تشربه شربه وحده يعني ما في

مجال انها تنفس وتتغر ذيك التغرة ( و انتم بكرامة )أأأأأأأأأأأأأععع. .<<طالعه من قلبها

الناعمه..

طلعتها تكون من بعد صلاة المغرب<<< ما تطلع في العصر يااااااااااي تحافظ على البشره

العربجيه..

تطلع الساعه2 القايله وتدقها كعااااااااااابي لبيت خوالها الين تنقلب خبز اسمر

الناعمه..

تروح للفيصليه ولا المملكه وقبل ما تروح السوق تمر على المشغل علشان تحط ميك..اب سوق << مكياج سوق>>> على بالي اشرح

العربجيه ..

تروح لسوق النسيم عشان تلقى العرابجه اللي مثلها


الناعمه..

اذا تطلعت تطلع مع يارا ولارا<< وخياره >> ورولا ومايا << امحط بنفسي على الموضة

العربجيه ..

تطلع مع بنات خالاتها وضحى وعمشى وشقحى ومزنه ومنيره (يعيش التراث )

الناعمه..

اذا شافت واحد حلووووووووو لابس صح وماركات وحركات وحاط سكسوكه

ومحد قده قالت ..يااااااااااااااااااااي بنات نازرو >> يعني ناظرو هذا الله يسلمكم

ماغير من الدلع>>> ياربيييييييييه واااااااااو عاد البنت اعجبها الشاب اللطيف هذا ودها تحتك وتقوم وتمر من عنده وتدفه

بكتفها ولا دفته بكتفها قالت اووووووووووه اسفه

ويرد عليها .. لا عادي على ايش الاسف عيوني وتبتسم ذيك الابتسامه اللي شقت وجهها وتخزه بهالنظرات وتسلهم بهالعيون

وهو دوره ما تلقاه من الحياء,,, ههههههههههههههههااااااااااااااااااي
العربجيه..

لا جات تزين شخطت هالعيون بهالكحل الي يضرب لين اذنها وتضرب بها البرقع وطلعت هي وشقحى ومنيره ومزنه وعمشاء لسوق النسيم
عاد العربجيه يمر من عندها واحد راكب جيب فكس اااار موديل 2002 وداق شماغه كوبرىىى ويمر بهالجيب وسوي حركات استعراضيه
وتقول يا بنات تكفووووووووووووون شوفو يا ويلي ويلاااااااااااااااااه تكفون يالربع
وتقوم بنت الحلال وتقزززززززززززه قز والرجال راح في خرايطها وعاد لا شافها تقزه قال... يا غزال ارحم حالييييييييييي يا ويلي تكفون يا عربان

الناعمه ..

اذا مر عليها واحد قروي قالت وععععععععععععععع الله يقرفك ... تقل شايفه صرصور الله يعزكم

نعم وش تبي يالله هناك بلا قراوىىىى >> ادعس يالرقيقه
العربجيه ..

اذا مر عليها واحد لا بس بلوزه ضييييييييييييييييييقه وبنطلون ضيييييييييييييييق << باين انه منكتم من الضيق

وقالها يا حلو عطنى وجه قالت... اقول احسن لك ضف وجهك لا يجيك شيء ما يطيب خاطرك
قال..ليش العصبيه هذي
قالت اقول والله لو ما تضف خشتك لا اتوطى في حوض بطنك ... علم جاك وتعداك
ترى ما ابي اغلط عليك
تراك مثل اخـــــــــــــــــــتي<<< يقالها ما غلطت الحين


الناعمه..

لا جات تضحك هههههههه . << لحظو النقطه ابوك يالترتيب ههههههههههههههههههاااااااااااااي

العربجيه..

اذا ضحكت اضحكت كذا هع هع هع هع هع ... الحمد لله والشكر تقول بالعتنلها بعير واذا جات تمزح مع حميد اخوها اعطته كف

حلاقه .... يعني كف قوي على رقبته >> على بالها تمون

نيياهاهاهاههااااااااااااااااااااااااااااااااااااي

الناعمه..

اذا تحب تسمع اغاني ما تسمع عربي خلقه ما تسمح الا ريكي ما رتن طبعااا لانه حلوووووووووووووووووووووووو

وممثلها المفضل .. توم كروز لاوسامته وميل جبسون وجيم كاري لخفة دمهم واحلى ممثله عندها جوليا روبرتس<< ساعه لين جبت خبرها

العربجيه ..

الاغاني اللي تسمعها خلف بن هذال وحجاب بن نحيت وبشير حمد شنان وعيسى الاحسائي >> ياعمري على الجو الخايس

الناعمه..

لما تتفرج على التلفزيون تجلس على الكنب وتحط رجل على رجل وتبتسم لان الابتسامه تضفي بشاشه على الوجه

العربجيه..

لا جات تناظر التلفزيون تشوف غصب واحد وغصب اثنين .. وتجلس على الارض وتحط المركا وراها والكراعين على التلفزيون
وان زهقت من القناة الاولى دقت التلفزيون باصبع رجلها وحطت القنا ة الثانيه

الناعمه..

اذا تبي تحلم احلام اليقظه طلعت برىىىىى في الحديقه حقت بيتهم وجلست على الكرسي هزاز وقام الكرسي يروح ويعود

>> مندمجه <<


العربجيه ..

اذا تحلم احلام اليقظه طلعت برى في حوشهم وفرشت البساط<<< ابو خمس طعش اللي مخطط باحمر وازرق عرفتوه

وتكت على المركا قعدت تفكر في المروخ (شي مختلط من فكس وابو فاس مع حثال قهوه وشوي تمر) وهي يحطونها على الورم

نيهاهاهاهاهاااااااااااااااااااااااااااااااي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
فقع قلبي ..!
مدير عام
مدير عام
avatar

انثى عدد الرسائل : 451
البلد : الكويت
مزاجكـ :
تاريخ التسجيل : 31/08/2008

مُساهمةموضوع: رد: بنت عربجيه وبنت ناعمه   الخميس سبتمبر 11, 2008 1:28 am

العربجيه..

لا جات تناظر التلفزيون تشوف غصب واحد وغصب اثنين .. وتجلس على الارض وتحط المركا وراها والكراعين على التلفزيون
وان زهقت من القناة الاولى دقت التلفزيون باصبع رجلها وحطت القنا ة الثانيه


ههههههههههههههههههههههههههههههه

ياليييييل الببعــآرين .. ذذ

عوآفي يالغلا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
نمله سكرانه
عضو نشيط
عضو نشيط
avatar

عدد الرسائل : 82
تاريخ التسجيل : 01/09/2008

مُساهمةموضوع: رد: بنت عربجيه وبنت ناعمه   الخميس سبتمبر 11, 2008 4:34 pm

خخخخخخخخخخخخخخخخخخخخخخخخخخخخخخخخخ
ههههههههههههههههههههههههههههههههههههههههههه

والله فله العرابجه ذذذ

شكرااا ع الموضوع
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
برقع جنز
مدير عام
مدير عام
avatar

انثى عدد الرسائل : 208
المزاج : رايق
مزاجكـ :
تاريخ التسجيل : 30/08/2008

مُساهمةموضوع: رد: بنت عربجيه وبنت ناعمه   السبت سبتمبر 27, 2008 11:26 pm

ههههههههههههه

الناعمه الله يتمم عليها لان البنات الناعمات على الفطره

بس العرابجه الله يهديهم قالبين الفطرة الي الله فطرهم عليها


يعطيك العافيه ميار

_________________


الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://mrjo0ojh.ibda3.org
المنسم
مشرف صدى الملاعب
مشرف صدى الملاعب
avatar

ذكر عدد الرسائل : 288
المزاج : رااااااااااااااايق/طفشااااااااااااان
البلد : السودان
مزاجكـ :
تاريخ التسجيل : 01/09/2008

مُساهمةموضوع: رد: بنت عربجيه وبنت ناعمه   الأحد سبتمبر 28, 2008 12:06 pm

هههههههههههههه

والله عربجيه من جد

تراني قريت الموضوع كلها ماخليت ولا حرف
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
بنت عربجيه وبنت ناعمه
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات المرجوجه :: المنتديات الترفيهية والرياضية :: صرقعهxصرقعه-
انتقل الى: